4 tíma introskeið í havkajakk

4 tíma introskeið í havkajakk – byrjanin á tíni kajakkferð

Vilt tú vita, um havkajakk er nakað fyri teg?
Ella hevur tú bara hug at hava ein góðan dag á sjónum saman við vinum ella øðrum rógvarum?

Hetta 4 tíma introskeiðið er ætlað byrjarum og krevur ongar royndir. Tú fært eina trygga og stuttliga innleiðing í havkajakrógving, har vit arbeiða við grundleggjandi teknikki, trygd og rógvigleði á sjónum.

Praktisk kunning

Dato: Vel dag í listanum omanfyri
Staður: Hósvík

Hvat fert tú at læra?

Á skeiðnum fært tú eina góða grundvitan um havkajakkir og trygd á sjónum. Vit byrja við einari stuttari introduktión til kajakk, útgerð og sjógvin, áðrenn vit fara á vatnið.

Á skeiðnum arbeiða vit við einfaldum og grundleggjandi førleikum, sum gera rógvingina lættari og tryggari. Tað verður eisini tíð til eitt sindur av spæli og túrrógving, so tú kanst læra í tínum egna tempo.

Innihald á skeiðnum

• Introduktión til útgerð, klæðir, havkajakk og ár/pagaj

• Rættan lyftiteknikk

• Vatntilvenjing og trygd á sjónum

• Koma í og úr kajakkini

• Frammrógving

• Rógva aftureftir

• Runttak / fejetak

• 360° vendingar og rógva í 8-tal

• Koppa, svimja í land og tøma kajakkina

• Stopptak

• Ferðsla í náttúruni og atlit til náttúruna

• Lágt stuðulstak

• Afturrór

• Síðuflyting við trekktaki

• Síðuflyting við 8-talstaki

• Og ymiskt annað.

Praktiskt – hetta skalt tú vita

Um neyðugt, kanst tú læna:

• Turrdrakt

• Svimjivest

• Skógvar

• Havkajakk

• Ár / pagaj

• Spraydeck

• Pumpu

Tú skalt sjálv/ur hava:

• Skiftiklæði

• Handklæði (um tú blívur vát/ur)

• Klæði at vera í undir turrdraktini til dømis: sveitttransporterandi ítróttarklæði / skiundirklæði gjarna 2 løg

IPP1 – næsta stig

Um tú kemur nøktandi ígjøgnum skeiðið, kanst tú bíleggja eitt IPP1-sertifikat her á heimasíðuni.
Sertifikatið váttar, at tú hevur náð IPP1-støði sambært standardinum hjá Dansk Kano- og Kajakforbund.

👉 Les meira um IPP-útbúgvingarnar her:
https://www.kano-kajak.dk/uddannelse/ipp-roeruddannelse/havkajak/