16 tíma intro/grundskeið í havkajakk (IPP2)

16 tíma grundskeið í havkajakk (IPP2)

Hetta grundskeiðið er ætlað øllum, sum vilja læra havkajakk rógving frá grundini – ongin forkunnleiki/royndir er kravt. Skeiðið gevur tær eitt trygt og gott grundarlag, so tú kanst rógva styttri túrar og dagstúrar í vardum sjóøki við betri ræði og sjálvsáliti.

Eftir skeiðið hevur tú teir grundleggjandi førleikarnar, sum krevjast fyri at melda teg í eitt kajakkfelag og halda fram við venjing saman við øðrum rógvarum.

Praktisk kunning

Tíð: 16 tímar (vanliga yvir eitt vikuskifti)
Byrjan: Leygardag kl. 09.00
Endi: Sunnudag kl. 17.00

Staður: Hósvík
(Eru tit 6–8 rógvarar, sum ynskja skeið aðrastaðni í Føroyum, send okkum ein fyrispurning.)

Hvat fert tú at læra?

Á skeiðnum arbeiða vit við eini breiðari røð av grundleggjandi teknikkum og trygdarførleikum, sum gera havkajakrógvingina lættari, tryggari og stuttligari. Tú fært góða tíð at royna allar teknikkir í praksis.

Vit byrja við eini greiðari introduktión til havkajakk, útgerð og sjógvin og byggja førleikarnar upp stig fyri stig – við rúmd til bæði túrrógving og eitt sindur av spæli á vatninum.

Innihald á skeiðnum

• Introduktión til útgerð, klæðir, havkajakk og ár/pagaj

• Rættan lyftiteknikk

• Vatntilvenjing og trygd

• Koma í og úr kajakkini

• Frammrógving

• Rógva aftureftir

• Runttak / fejetak

• 360° vendingar og rógva í 8-tal

• Makkarabjarging á grunnum sjógvi

• Koppa, svimja í land og tøma kajakkina

• Effektivt stopptak

• Sculling

• Makkarabjarging á djúpum sjógvi

• Sjálvbjarging á grunnum sjógvi

• Ferðing í náttúruni og atlit til náttúruna

• Lágt stuðulstak

• Effektivt afturrór

• Síðuflyting við trekktaki (upp til 5 m)

• Síðuflyting við 8-talstaki

• Sjálvbjarging á djúpum sjógvi

• Stuðlað grønlendaravending

• Telemarkssving (low brace turn)

Praktiskt – hetta veita vit

Um neyðugt, kanst tú læna:

• Turrdrakt

• Svimjivest

• Skógvar

• Havkajakk

• Ár / pagaj

• Spraydeck

• Pumpu

Tú skalt sjálv/ur hava:

• Skiftiklæði

• Handklæði (um tú blívur vát/ur)

• Klæði at vera í undir turrdraktini til dømis 2 løg av:

  • Sveitt-transporterandi ítróttarklæði / ski-undirklæði

IPP2 – næsta stig

Um tú kemur nøktandi ígjøgnum skeiðið, kanst tú bíleggja og keypa eitt IPP2-sertifikat her á heimasíðuni.
Sertifikatið váttar, at tú hevur náð IPP2-støði sambært IPP-standardinum hjá Dansk Kano- og Kajakforbund, og gevur tær eitt gott grundarlag fyri víðari venjing, felagsrógving og dagstúrar í vardum sjóøki.

👉 Les meira um IPP-útbúgvingarnar her:
https://www.kano-kajak.dk/uddannelse-og-kurser/ipp-roeruddannelse/havkajak/